Monfalcone, piazza grande.
“Ciao Bepi” – “Ciao Toni”.
“Come xe?”– “Ben. Dai che te offro un bicer”.
“Benon. Te gà visto che xe cominciada la campagna elettorale?” – “Orca. Ah, mi voto la Cisint”.
“Perché?” – “La gà fato tante robe!”
“Tipo?” – “Boh, adesso no me vien in mente… Il Comun!”
“Quel lo gà fato quei de prima” – “Ah, alora le Terme!”
“Quei dei prima” – “Marina Julia!”
“Quei de prima” – “Bon… la pista ciclabile”
“Cento metri e con quel color…” – “Sì, va ben, no la gà fato sai, però la xe presente. La se move”.
“Dove?” – “In giro”.
“A far cosa?” – “Boh. Sopraluoghi”.
“E a cosa serve?” – “Farse veder”.
“E dopo?” – “E dopo niente. – Cos te vol. Non la xe un granchè, ma ‘sta città gaveva bisogno de cambiar!
“Perché?” – “Masa immigrati”.
“E de chi xe colpa?” – “No so. Quei de prima?”
“No, el cantier. Ma dime. Questa xe qua de sei anni e la gà mandà via qualchidun?” – “No. I me ga dito che il comun no pol mandar via nisun”.
“Vero. Anche quei de prima non podeva. No te par?” – “Si, si te gà ragion. Ma scolta, la xe de Pansàn come mi e la gà fato più de tutti per noi”.
“Dai Bepi, te conoso. Quando el cantier voleva vender le case, te iere in braghe de tela. Te se ricorde? Quante riunioni in comun. E bon che iera Persi che ve gà salvà” – “Sì, xe vero. Bisogna dir”.
“E le opere pubbliche, te sa chi gà fato più de tuti?” – Sì, sì, questo so: Pizzolitto. Ma questa la vol far tante robe”.
“Ah, la vol far, ma no la gà fato. Come la piaza nova?” – “Ecco! La piaza!”
“Te sa quanti schei la costa?” – “No”.
“Cinque milioni e mezo! – “Orca! Me par esagerà. Non xe tempi per ‘ste spese”.
“Te vede, forse meio far altro” – “Eh, sì. Con ‘sta crisi. E po’ i la gà apena fata. Ciò, anche tirar via le panchine. Mi me sentavo sempre…”
“Te vede. E dopo, scolta, no te par che la sie esagerada, sempre ciaparsela con ‘sti immigrati. In fondo xe gente che vie qua a lavorar” – “Sì, sì, ma i xe tanto diversi de noi”.
“Bon, ma i fioi xe come i nostri. El mio vicin gà un putel che parla bisiac e tien per la Juve” – “Anche qua de mi xe tanti putei”.
“Te vederà tra un pochi de anni i sarà come noi. A Mofalcon xe sempre stadi immigrati. Te se ricordi tua suocera de Gallipoli che no te capivi cosa la diseva? Dopo la xe diventata più bisiaca de mi e ti”- “Xe vero”.
“Insoma par mi pol vignir chi che vol, basta che se comporte ben” – “Sicuro. Ciò, Ieri vardavo una foto de me nona. Tuta vestida de nero col fazolet in testa…”
“Iera altri tempi. Dopo se cambia” – “Ma sì, te se ricorde quanta miseria. Altrochè bei tempi”.
“Bepi, dita tra noi, no te par che non xe bel un sindaco che fa barufa con tuti e xe sempre agressivo? – “Sì, Toni, quel no me piase nianche mi”.
“E quei alberi taiadi. No iera mei curarli? Adeso son i batuda de sol e ‘sta estate sarà de morir” – “Sicuro”.
“E i fioi che no pol andar a scola?” – “No, quel no va ben. I putei no se toca”.
“Te vede. Xe masa robe che no va con questa! Meio cambiar” – “Forse te gà ragion. Adesso vado a veder el programma dela Morsolin”.
“Bravo. E il bicier che te doveve ofrirme?” – “Eh bon, un’altra volta”.
“Te promete e no te mantien! Proprio come la Cisint!” – “Ahahaha!”
“Bona Pasqua Bepi” – “Bona Pasqua Toni”.